Prava olish 2026 — narxlar, muddatlar va tartib

Prava olish bosqichlari

1. Tibbiy ma'lumotnoma
   083/u shaklidagi tibbiy ma'lumotnoma — sog'lig'ingiz toifaga mosligini tasdiqlaydi. Imtihonga boshqa hujjatlar bilan birga topshiriladi.
2. Avtomaktab: amaliy mashg'ulotlar
   Amaliy mashg'ulotlar avtomaktabda majburiy — B toifa uchun odatda taxminan 2,5 oy. Nazariyani avtomaktabda yoki mustaqil o'rganishingiz mumkin. E-avtomaktab qo'llanmasi
3. Nazariy imtihon
   Imtihon markazida kompyuterda: 20 ta savol, 25 daqiqa, o'tish uchun kamida 18 ta to'g'ri javob. Narxi — 1,5 mln so'm. Nazariydan o'tmagan nomzod amaliy imtihonga qo'yilmaydi. Imtihon formatida test ishlash
4. Amaliy imtihon
   Haydash mahorati tekshiriladi. Narxi — 1,5 mln so'm. Topshira olmasangiz, 7 ish kunidan keyin qayta topshirish mumkin (1,6 mln so'm). Avtodrom jarima ballari
5. Guvohnoma olish
   Ikkala imtihondan o'tgach guvohnoma rasmiylashtiriladi (davlat boji — 0,7 BHM). Guvohnoma 10 yil amal qiladi.

Nazariyani bepul tayyorlang

Imtihon formatidagi test: 20 savol, 25 daqiqa.

Ko'p so'raladigan savollar

2026-yilda prava olish qancha turadi?

B toifa uchun taxminan 8,5 mln so'm: avtomaktab o'rtacha 5,5 mln (hudud va avtomaktabga qarab farq qiladi) va ikki imtihon — nazariy 1,5 mln + amaliy 1,5 mln so'm. BC toifa uchun avtomaktab 7 mln so'mdan ortiq.

Avtomaktabsiz prava olsa bo'ladimi?

Yo'q. 2026-yil 1-fevraldan «A» va «B» toifalar uchun faqat nazariy darslar ixtiyoriy bo'ldi. Amaliy mashg'ulotlar avtomaktabda to'liq o'tilishi shart — B toifa uchun odatda taxminan 2,5 oy.

Prava imtihoni narxi qancha?

2026-yil 6-yanvardan birinchi urinishda nazariy imtihon 1,5 mln, amaliy imtihon 1,5 mln so'm — jami 3 mln so'm. Qayta topshirish har bir bosqich uchun 1,6 mln so'm.

Imtihondan o'ta olmasam nima bo'ladi?

Oldingi urinishdan 7 ish kuni o'tgach qayta topshirasiz, har bir bosqich uchun 1,6 mln so'm. Nazariydan o'tmagan nomzod amaliy imtihonga qo'yilmaydi.

Avtomaktabda qancha o'qiladi?

B toifa uchun amaliy o'qish odatda taxminan 2,5 oy davom etadi. Nazariyani esa mustaqil — masalan, onlayn testlar bilan — o'rganish mumkin.

Necha yoshdan prava olish mumkin?

B toifa uchun — 18 yoshdan.

Nazariy imtihonda nechta savol bo'ladi?

20 ta savol, 25 daqiqa vaqt. O'tish uchun kamida 18 ta to'g'ri javob kerak — ya'ni ikkitagacha xatoga ruxsat.

Haydovchilik guvohnomasi necha yil amal qiladi?

10 yil.

Foydali bo'limlar